Молитва в Великий Пост.

Посвящаяется 100-летию Русской Царской Голгофы

«Радуйся, Заступнице Усердная, избави нас от всякого зла и сотвори чудо спасения»

(из акафиста Пресвятой Владычице нашей Богородице в честь чудотворныя иконы Ея Ченстоховская или Непобедимая Победа)

Соборная молитва иконе Божьей Матери «Ченстоховская» о спасении Отечества и возрождении духовного Государства Святой Руси.

Дорогие отцы, братья и сестры!

Русский Царский Дом поздравляет вас с началом Великого Поста – временем молитвы и покаяния для православных христиан. Мы благодарим всех кто откликнулся на наш призыв и принял участие в Соборном молебне за Святую Русь (http://rustsardom.com/sobornyj-moleben-za-svyatuyu-rus/). Мы получили живой отклик многих людей, и наглядное подтверждение важности молитвы перед Ченстоховской иконой Божьей Матери (см. подробней об иконе: https://youtu.be/KqyPy2q14oA). В это судьбоносное время Поста наш народ нуждается в сугубой молитве в противовес бездуховности и вседозволенности сил зла.

Блаженная старица Матрона говорила: «Народ под гипнозом. Сам не свой, страшная сила вступила в действие… Эта сила существует в воздухе, проникает везде. Раньше болота и дремучие леса были местом обитания этой силы, потому что люди ходили в храмы, носили крест, и дома были защищены образами, лампадами и освящением. Бесы пролетали мимо таких домов, а теперь бесами заселяются и люди по неверию и отвержению от Бога…».

«Россию куют беды и напасти. Не напрасно Тот, Кто правит всеми народами, искусно, премудро, метко кладет на свою наковальню всех подвергаемых Его сильному молоту. Крепись, Россия! Но и кайся, молись, плач горькими слезами пред твоим небесным Отцем, Которого ты безмерно прогневала!» «Нам необходимо всеобщее нравственное очищение, всенародное глубокое покаяние, перемена нравов языческих на христианские. Очистимся, омоемся слезами покаяния, примиримся с Богом и тогда Бог примирится с нами». Св. Праведный Иоанн Кронштадский.

К тебе же, обольщенный, несчастный русский народ, сердце мое горит жалостию до смерти. «Оскудеша очи мои в слезах, смутися сердце мое» (Плч.2:11), при виде твоих тяжких страданий, в предчувствии еще бо́льших скорбей… Братие! Настало время покаяния; наступили святые дни Великого Поста. Очиститесь от грехов своих, опомнитесь, перестаньте смотреть друг на друга, как на врагов, и разделять родную страну на враждующие станы. Все мы – братья и у всех нас одна мать – родная русская земля и все мы чада одного Отца Небесного, Которого молим: «Отче наш, остави нам долги наша, яко же и мы оставляем должником нашим» (Мф.6:9, 12). Св. Патриарх Тихон.

Как известно, люди испытывавшие нападки врага, сугубо молились в среды и пятницы Великого Поста, в т.ч. и на Страстной Седмице, когда воздержание наиболее строго, а службы наполнены покаянными молитвами (см.: игумен Марк, духовник Московского Симонова монастыря, 1899г., Злые духи и их влияние на людей – https://azbyka.ru/zlye-duxi-i-ix-vliyanie-na-lyudej). Мы призываем всех к соборной молитве о спасении Руси каждую среду и пятницу Великого Поста в 22 часа по местному времени с чтением акафистов и молитв Ченстоховской иконе Божьей Матери и списку Ченстоховского образа – иконе Божией Матери Русская Победа.

Промыслом Божьим праздник Благовещенья в этом году выпадает на Великую Субботу, и мы уповаем на то, что по милости Божьей благая весть о Святой Руси коснется многих сердец. Для этого и нужна сугубая молитва православных весь Великий Пост. «Истинно говорю вам: о чем ни попросите Отца во имя Мое, даст вам». (Иоанн 16:23). Будем же совместно молить Господа о спасении Триединой Святой Руси и о возрождении монархии, без которой невозможно воссоздать духовное Государство.

Россия, Украина, Беларусь – вместе мы Святая Русь!

АКАФИСТ в честь иконы Пресвятыя Богородицы «Стой за Христа до мученического креста» - «Русская Победа»

Тропарь гл.4

Русская Победо, Владычице Ченстоховская! Древняго иже о нас благоволения Самозрительнице, будущаго спасения Хранительнице, покаянием соделай ны новыя новому Царю.

Кондак гл.3

О Всепетая Дево Владычице, образ сей предивный на спасение нам даровавшая, призри на Царство Твое земное и умоли Господа Вседержителя, да подаст нам грехов оставление, Царя православнаго во охранение и Святой Руси Воскресение.

Кондак 1

Избранной на Предвечном Совете быти Матерью Бога нашего/ и всего мира и сугубо рода христианского,/ чистотою Своею Херувимов и Серафимов превосшедшей,/ Пресвятой Богородице и Приснодеве Марии/ моление сие приносим в честь Ея иконы./ Ей же поклоняемся благоговейно,/ в покаянной радости усердно вопиюще:

Спаси ны, Взбранная Воеводо, на брань против враг видимых и невидимых нас укрепляющая.

Икос 1

Где умножается беззаконие, там преизобилирует Благодать Божия... Сгущается тьма предантихристова: любви несть, правда исчезе, ложь и вражда, гнев и ненависть посеяны в сердце людское. Брат восстает на брата, чада на родители, родители на чада. Уже и секира при корени дерев лежит, но Ты, Мати Божия, не престаеши подавать нам, утопающим во грехах, многоразличную помощь, и мы благодарно вопием Ти:

Спаси ны, на Святую Русь вновь призревшая;

Спаси ны, прощение грехов наших у Господа просящая.

Спаси ны, духовную крепость и мужество воинам Христовым подающая;

Спаси ны, Матернюю Любовь всегда нам являющая.

Спаси ны, Бога беспрестанно умилостивляющая;

Спаси ны, гнев Его на милость прелагающая.

Спаси ны, Стено наша Нерушимая;

Спаси ны, Победо наша Непобедимая.

Спаси ны, Взбранная Воеводо, на брань против враг видимых и невидимых нас укрепляющая.

Кондак 2

Не единожды враг рода человеческого напрягал суетною свою силу супротив Святой Руси, но спасала Пресвятая Богородица православных христиан от погибели. Не Матерь ли Божия спасла Церковь русскую, да и саму Отчизну нашу от конечного истребления в годину последней мировой брани, устрашив через Илия, митрополита Гор Ливанских, безбожного правителя, повелев открыть храм и монастыри, вернуть с поля брани и из темниц служителей Божих, дабы пети им с верными: Аллилуия, Аллилуия, Слава Тебе Боже!

Икос 2

С падения денницы не перестает духовная брань на земли. И паки Ты, о Мати Божия, Взбранная Воеводо, воздвизаеши нас, аки и святых сродников наших, супротив всякого зла и подаеши нам Крест. Мы же, принимая Его, с надеждой на Твою всесильную помощь вопием Ти:

Спаси ны, Крестами храмы, монастыри и люди Твоя просветляющая;

Спаси ны, Светом Христовым всех и вся озаряющая.

Спаси ны, из греховной тьмы наше Восстание;

Спаси ны, ратовать на мир, плоть и диавола, нам помогающая.

Спаси ны, телесных и душевных ран Исцеление;

Спаси ны, унывать и отчаиваться нам возбраняющая.

Спаси ны, Крест нести помогающая;

Спаси ны, Оружие наше Непобедимое.

Спаси ны, Взбранная Воеводо, на брань против враг видимых и невидимых нас укрепляющая.

Кондак 3

Рабски припадая к Пречистым Стопам Твоим, Богородице, усердно и смиренно молим Тя: даруй нам токмо малую искру Твоей Любви, в коей несть страха, дабы попалитися в нас всему нечистому, дабы пети нам свято: Аллилуия, Аллилуия, Слава Тебе Боже!

Икос 3

Прорек Спаситель остатку верных: «Не бойся, малое стадо!» И паки рек: «Дерзайте, ибо Аз победил мир!» Сохрани, Мати Божия, сей остаток для Господа и сподоби на всяком месте пети Тебе сице:

Спаси ны, грядущих к Тебе не отвергающая;

Спаси ны, наше Освящение.

Спаси ны, молитвы Архангел и Ангел и всех Святых о нас приемлющая;

Спаси ны, рабов Твоих, аки чад, к Господу приводящая.

Спаси ны, Раю Словесный;

Спаси ны, угодников Божих Небесное Блаженство.

Спаси ны, кающихся грешников Прощение;

Спаси ны, из ада души изводящая.

Спаси ны, Взбранная Воеводо, на брань против враг видимых и невидимых нас укрепляющая.

Кондак 4

Непреложны обетования Господни. Небо и земля прейдут, словеса же Божии не прейдут. Суждено в мир прийти антихристу, а после – Господу для Страшного Суда над сим мерзким беззаконником, его слугами и нераскаянными грешниками. О, Богоизбранная Мати! Отдали от нас то ужасное антихристово время, яко немощны есмы. Продли нам, многогрешным, век к покаянию, без коего не зрети нам Рая вожделенного, а во аде же не спети нам Богу: Аллилуия, Аллилуия, Слава Тебе Боже!

Икос 4

Державная наша Владычице! Восстави Престол русских Царей. Яви сие чудо нам недостойным. Мы же будем благодарно пети Тебе:

Спаси ны, на Престол русский во дни смуты незримо восшедшая;

Спаси ны, Скипетр и Державу русских Царей приемшая.

Спаси ны, Святой Русью, Домом Своим, прикровенно правящая;

Спаси ны, тайне беззакония зде до конца совершитися возбраняющая.

Спаси ны, народ русский от духовной смерти пробуждающая;

Спаси ны, в храмы Божии все направляющая.

Спаси ны, ревность По Бозе в сердцах наших воспламеняющая;

Спаси ны, Небеси и земли Царице.

Спаси ны, Взбранная Воеводо, на брань против враг видимых и невидимых нас укрепляющая.

Кондак 5

Заступнице наша, Царице Небесная! Вемы яко токмо престолонаследие сильно удержать Державу нашу от конечного крушения, и паче того – соделать богатой и непреоборимой от супостатов. Ибо всяк разумный отец потщится всеми силами утвердить свой дом и в благолепии передать его сыну – наследнику, тем паче, Православный Царь, боящийся Бога, свое царство. Мати Божия! Расположи сердца непросвещенных и заблудших братий и сестер наших принятия духа неповрежденной Веры Православной, дабы уразумели Спасительность для России законной царской власти и пели Богу: Аллилуия, Аллилуия, Слава Тебе Боже!

Икос 5

Пресвятая Богородице! Восстави нам Удерживающего всякое зло, без меры умножившееся в Державе нашей Российстей, во избавление ея от жидомассонского христоненавистнического ига, дабы низвергнуть и изгнать из нея богоборцев разных мастей: колдунов и чернокнижников, сатанистов и деторастлителей, магов и гадателей и прочих, им же имя – легион. Вкупе с ними и изменников Веры Православной и Отечества нашего. Нас же сподоби невозбранно пети Тебе сицевая:

Спаси ны, Святую Русь возлюбившая;

Спаси ны, Домом Своим ея соделавшая.

Спаси ны, множество чудотворных икон в нем явившая;

Спаси ны, угодников Божих без числа зде открывшая.

Спаси ны, Веру Православную в стране Русской истребить до конца не попустившая;

Спаси ны, яко зеницу ока ея сохранившая.

Спаси ны, и новым родом сию Веру дарующая;

Спаси ны, ея ради и нас прощающая.

Спаси ны, Взбранная Воеводо, на брань против враг видимых и невидимых нас укрепляющая.

Кондак 6

Пред Воскресением по Закону Божьему подобает быти Голгофе. Господь нам сие показал. Была она уже у Святой Руси, или еще будет – Бог весть! Укрепи нас, Царице Небесная, словом Сына Твоего: «Не бойтесь убивающих тело, душу же не могущих убить; бойтесь более того, кто может и душу и тело погубить в геене» (Мф. 10, 28). Мы же, обновленные и ободренные, едиными усты и единым сердцем будем взывать к Богу: Аллилуия, Аллилуия, Слава Тебе Боже!

Икос 6

С нами Бог! Разумейте языцы и покоряйтесь, яко с нами Бог! С нами Бог и Пресвятая Богородица, кто против нас?! Мало дано силы нашему времени, но сила Божия в немощи совершается, и не в силе Бог, но в Правде! Сохранить бы то, что имеем, наипаче же Веру Православную. Помози нам в сем, Пречистая, да благодарно будем пети Тебе:

Спаси ны, Церкви Торжествующей и Воинствующей Владычице;

Спаси ны, христианам православным вспомоществующая.

Спаси ны, непобедимыми их сотворяющая;

Спаси ны, на подвиг мученичества за Христа укрепляющая.

Спаси ны, сердца верных Храмом Божиим соделывающая;

Спаси ны, вечерю для Пресвятыя Троицы тамо уготовляющая.

Спаси ны, неустанно о нас пекущаяся;

Спаси ны, от козней вражиих нас защищающая.

Спаси ны, Взбранная Воеводо, на брань против враг видимых и невидимых нас укрепляющая.

Кондак 7

Господи Исусе Христе, Сыне Божий! Молитвами Пречистыя Твоея Матери, Пресвятой Богородицы и Приснодевы Марии, отжени от России дух антихриста, не попусти нам запечатлеться им и работать врагу, но даруй пети Тебе: Аллилуия, Аллилуия, Слава Тебе Боже!

Икос 7

Царице наша и Мати, Пресвятая Дево Марие! Отжени от нас все козни диавольские, в сие тяжкое время не отрини наши молитвы и воздыхания сердечные против смертоносного и богомерзкого духа антихриста, силящегося запечатлеть народ русский на служение себе и отвергнуть его от Благодати Бога Живаго и Истиннаго. Защити нас от коварства звериного, не попусти нас принять его мначертания и поклониться ему, но сподоби пети Тебе сице:

Спаси ны, дела вражия разрушающая;

Спаси ны, и нам побеждать его помогающая.

Спаси ны, Светом Христовым всяку тьму разгоняющая;

Спаси ны, Покровом Своим верных покрывающая.

Спаси ны, наше Прибежище;

Спаси ны, по Бозе наше Спасение.

Спаси ны, непрестанно к Нему о нас, грешных, Моление;

Спаси ны, наше Прощение.

Спаси ны, Взбранная Воеводо, на брань против враг видимых и невидимых нас укрепляющая.

Кондак 8

Грядет неумолимо к нам кончина века, но никто, кроме Бога, не ведает ни дня, ни часа, егда сие будет. Мати Божия! Аще попустит Господь нам жить в последнии времена, сократи молитвами Твоими сии дни великой скорби. Помози нам пред близким, при дверех, Богом пети: Аллилуия, Аллилуия, Слава Тебе Боже!

Икос 8

Во дни скорби той, якова не была от начала Творения, солнце померкнет, луна не даст света, звезды спадут с Небес. Буди нам тогда, Пресвятая Владычице, немерцающим Светом, мы же будем ублажать Тя словесы сими:

Спаси ны, Светом Христовым всю Вселенную озаряющая;

Спаси ны, ея Вечная Царице.

Спаси ны, красотой и чистотой все творение Божие превосшедшая;

Спаси ны, ни с кем не сравнимая.

Спаси ны, Богом паче всех возлюбленная;

Спаси ны, паче всех Им одаренная.

Спаси ны, Дщерь, Невесто и Мати Божия;

Спаси ны, Препрославленная и Преблагословенная.

Спаси ны, Взбранная Воеводо, на брань против враг видимых и невидимых нас укрепляющая.

Кондак 9

Силен Бог отдалить приход антихриста в глубь веков. Господь, яко Царь царей, щедр и может даровать тысячу лет и паче. Своими грехами мы сами приближаем страшные времена... Даруй нам, Господи покаяние всецелое, приими его и песнь нашу хвалебную: Аллилуия, Аллилуия, Слава Тебе Боже!

Икос 9

Витийствующий язык не может достойно восхвалити Тя, Богородице. Ты еси тот Плод, еже по псалмопевцу даде земля. Заступись за нас, грешных. Останови наше падение в пропасть. С сердечной болью молимтися: во дни оставления земли Божьей Благодатью окорми нас немощных. Кто и что мы без Бога и без Тебя?! Ничто! Прах земный!.. В трудные последние времена Спаси тех, кто токмо призовет Имя Божие. А ныне, пока глаголют наша уста, сподоби пети тебе сице:

Спаси ны, верных, яко кокош птенцы своя под крыла собирающая;

Спаси ны, Сокровище наше неиждеваемое.

Спаси ны, Звездо незаходимая;

Спаси ны, Вода живая в знойной пустыне мира.

Спаси ны, непрестанное ангельское Пение;

Спаси ны, всех земных Похвало.

Спаси ны, Любы, всякое желание побеждающая;

Спаси ны, Радосте всех Радостей.

Спаси ны, Взбранная Воеводо, на брань против враг видимых и невидимых нас укрепляющая.

Кондак 10

В назначенный Богом час восстанут от гробов все умершие от века. Кость соберется к кости, и облекутся оне плотию. Души войдут в воскресшие сии телеса, живые же изменятся и восстанут вси пред Господом на Страшный Суд. Тогда праведнии возрадуются, а грешнии восплачутся. А где обрящемся мы?.. Сподоби, Пресвятая Богородице, стати одесную Сына Твоего и Бога Исуса Христа и вслед Тебе внимати в радость Его, велегласно поюще: Аллилуия, Аллилуия, Слава Тебе Боже!

Икос 10

Око не видело, ухо не слышало, и на сердце человеку не взыдоша, что уготовал Бог любящим Его и Пречистую Его Матерь. Николиже не будем мы достойны райских обителей, но не в силах не взывати на земли Матери Божией, Ходатаице нашей тако:

Спаси ны, за всех Сыну Своему молящаяся;

Спаси ны, яко всем твориши спастися.

Спаси ны, душ погибших Взыскание;

Спаси ны, все наше Упование.

Спаси ны, Голубице Пречистая;

Спаси ны, Нескверная Агнице.

Спаси ны, благоухающая белоснежная Лилия;

Спаси ны, Красото Прекрасная.

Спаси ны, Взбранная Воеводо, на брань против враг видимых и невидимых нас укрепляющая.

Кондак 11

Всю полноту Своей Благодати предал Тебе, Пресвятая Дево Марие, Сын Твой и Бог. Ты родила еси Его, приблизив тем род человеческий к Богу – Отцу. Взирая на Твой Образ, исполняемся велицей Верой в неодолимость Церкви Христовой вратами адовыми и поем Богу: Аллилуия, Аллилуия, Слава Тебе Боже!

Икос 11

Возроди, Мати Божия, Русь Святую. Даруй нам Православного Царя. Умножи, Владычице, число верных яко песок морской. Мы же будем приносити Тебе похвалы таковые:

Спаси ны, Святой Руси Воскресение;

Спаси ны, Веры Православной Утверждение.

Спаси ны, вся у Бога испросити могущая;

Спаси ны, любви жертвенной от нас ждущая.

Спаси ны, и малые наши моления приемлющая;

Спаси ны, тесным путем в Царство Божие идти зовущая.

Спаси ны, на пути сем нам помогающая;

Спаси ны, во Вратах Райских верных варяющая.

Спаси ны, Взбранная Воеводо, на брань против враг видимых и невидимых нас укрепляющая.

Кондак 12

Царице Небесная! Виждь скорбь нашу о братьях и сестрах в неверии и равнодушии ко своему спасению пребывающих. Потщися утвердить в них Веру Православную и ревность по Бозе. Огради всех нас от коварства и прельщения слуг и предтеч антихристовых. Укрой ны в неисповедимых глубинах Божьей Благодати и даруй нам едиными усты и единым сердцем пети Истинному Богу: Аллилуия, Аллилуия, Слава Тебе Боже!

Икос 12

Поюще Твоя древния и настоящия чудеса, веруем, Пречистая, яко Ты еси воистину Виновница нашего с Богом примирения! Како достойно благодарити Тя? – Не вемы! Немеет ум! Киими словесы выразить нам любовь к Тебе, Матери Господа нашего и Спасителя Исуса Христа, Самой Любви Воплощенной? Слова – глыбы, а молчанье – тайна будущего века. Ныне же токмо призри на немощная наша сердца, а из уст приими сии немощные глаголы:

Спаси ны, душ наших Воскресение;

Спаси ны, наше с Творцом Примирение.

Спаси ны, горних и дольних соединившая;

Спаси ны, всяку слезу с лица земли отъемшая.

Спаси ны, вся в совершеннейшее преобразившая;

Спаси ны, наше на Небо восхождение.

Спаси ны, Двери Райские всем отверзшая;

Спаси ны, вечного радования Источниче.

Спаси ны, Взбранная Воеводо, на брань против враг видимых и невидимых нас укрепляющая.

Кондак 13

О, Пресвятая Дево Марие, благосердная Мати и Неустрашимая Воительнице! Из глубины греховныя возведи ны, недостойныя рабы Твоя, к Свету Истинному. Укрепи немощь нашу всесильною Божией Благодатью, дабы выстоять нам во Вселенской брани за Русь Святую и Веру Православную и во веки веков пети Царю нашему и Богу: Аллилуия, Аллилуия, Слава Тебе Боже!

/сей кондак читается трижды, затем Икос 1 и Кондак 1/

Икос 1

Где умножается беззаконие, там преизобилирует Благодать Божия... Сгущается тьма предантихристова: любви несть, правда исчезе, ложь и вражда, гнев и ненависть посеяны в сердце людское. Брат восстает на брата, чада на родители, родители на чада. Уже и секира при корени древ лежит, но Ты, Мати Божия, не престаеши подавать нам, утопающим во грехах, многоразличную помощь, и мы благодарно вопием Ти:

Спаси ны, на Святую Русь вновь призревшая;

Спаси ны, прощение грехов наших у Господа просящая.

Спаси ны, духовную крепость и мужество воинам Христовым подающая;

Спаси ны, Матернюю Любовь всегда нам являющая.

Спаси ны, Бога беспрестанно умилостивляющая;

Спаси ны, гнев Его на милость прелагающая.

Спаси ны, Стено наша Нерушимая;

Спаси ны, Победо наша Непобедимая.

Спаси ны, Взбранная Воеводо, на брань против враг видимых и невидимых нас укрепляющая.

Кондак 1

Избранной на Предвечном Совете быти Матерью Бога нашего/ и всего мира и сугубо рода христианского,/ чистотою Своею Херувимов и Серафимов превосшедшей,/ Пресвятой Богородице и Приснодеве Марии/ моление сие приносим в честь Ея иконы./ Ей же поклоняемся благоговейно,/ в покаянной радости усердно вопиюще: Спаси ны, Взбранная Воеводо, на брань против враг видимых и невидимых нас укрепляющая.

Молитва Пресвятой Богородице

О Матерь Божия, Спасительница Мира и Царица Небесная! Заступница и Покровительница Земли Русской и Православного Воинства! Ты, Царица Победная, — щит Веры и ковчег Спасения, Надежда наша благая и путеводная звезда, твердыня Православия и Держава несокрушимая, Воевода ратная и Всепобеждающее оружие.

Силою креста святого и державным Покровом Твоим огради наше Отечество – от огня и меча, иноземных нашествий и войн, междоусобной брани и потрясений, бедствий и смут, великого разорения и погибели. Сплоти, Царица Победная, русский народ вокруг духовных и ратных вождей и возроди Державную мощь, Славу и Величие России. Защити Православную нашу Веру и Церковь – от расколов, ересей и сил тьмы. Вооружи нас крепостью, мужеством и духовным оружием. Сокруши и низложи всех врагов Земли Русской – видимых и невидимых, восстающих на нас и сохрани верных под Покровом Твоим. Укрепи Веру, ратную доблесть и силу духа Православного воинства. Озари надеждой сердца наши, помоги выстоять и защити в дни испытаний и скорби. Укажи нам путь, Одигитрия Русская Победа, – к Вечному Спасению и Славе, Торжеству Православия и Русскому Воскресению. Благослови Православную Рать на победы и подвиги – за Святую Русь, за Дом Пресвятой Богородицы. Стань Воеводою в полках и дружинах наших в день страшной брани с врагами Земли Русской и увенчай Венцом Твоим Победным – правое русское оружие, поднятое за Веру, Царя и Отечество.

Аминь.

Величание

Величаем Тя/ Пресвятая Дево Русская Победа/ им же образом, яко нерушимой стеной/ защищаеши нас от силы вражия/ и содееваеши победу на супостаты/

Акафист Пресвятой Богородице пред иконой «Ченстоховская» («Непобедимая Победа»)

Кондак 1

Взбранной Воеводе, Спасительнице земли Русския, похвальное приносим пение. Ты же, Мати царя Небесного от всякия избави напасти страну нашу и от всех скорбей и бед свободи зовущих: Радуйся, Заступнице Усердная, избави нас от всякого зла и сотвори чудо спасения.

Икос 1

Ангельский собор на Небеси немолчно воспевает Тя, Владычице, и мы земнороднии, притекающе ко иконе Твоей чудотворней, святым Лукою писанной, вопием Ти сице:

Радуйся, Мати Света Невечерняго;

Радуйся, Духа Святага Обитель Священная;

Радуйся, светлое благодати Познание;

Радуйся, Ангельских Сил Ликование;

Радуйся, Купино неопально горящая;

Радуйся, Господа Сил вечно Зрящая;

Радуйся, Неувядаемый Цвете нетления;

Радуйся, Образе Христова Воскресения;

Радуйся, Заступнице Усердная, избави нас от всякого зла и сотвори чудо спасения.

Кондак 2

Видяще благочестие и веру святыя царицы Елены, обретшей Крест Честный Господень во Иерусалиме, даровала еси ей, о Богомати, и икону Свою, чрез верных служителей Своих сохраненную от лет древних, да молятся пред нею выну людие, поюще: Аллилуиа, Аллилуиа, Слава Тебе Боже!

Икос 2

Разумевше святая царице Елено, яко образ сей есть благословение Божие граду царствующему, поставиша е тамо в церкви соборней, идеже мнози от него исцеления прияша, поюще Матери Божией похвалы сицевыя:

Радуйся, Чаше, черплющая вечную радость;

Радуйся, Источниче, изливающий неизреченную сладость;

Радуйся, Чертоже Рая краснейший;

Радуйся, Вертограде Христов славнейший;

Радуйся, Духа Святаго Селение;

Радуйся, врагов Божией Правды Посрамление;

Радуйся, духовною радостию нас Утешающая;

Радуйся, с верою Тя призывающих, не посрамляющая;

Радуйся, Заступнице Усердная, избави нас от всякого зла и сотвори чудо спасения.

Кондак 3

Сила Вышняго храняше икону Твою, Богомати, во дни ересей от поругания, и от лютых иконоборцев погубления, и от рук варварских пленения, яко Самей Ти быти Хранительницей христианом, поющим Сыну Твоему и Богу: Аллилуиа, Аллилуиа, Слава Тебе Боже!

Икос 3

Имуще сокровище святыя иконы Твоея, святии Кирилле и Мефодие просветиша земли славянстии светом веры христианской, да уведят язычницы Бога истиннаго и прославят Матерь Божию тако:

Радуйся, Державная наша строительнице;

Радуйся, Всесильная Победительнице;

Радуйся, Свободительнице пленных;

Радуйся, Покровительнице обремененных;

Радуйся, Ходатаица за всю Вселеную;

Радуйся, Дарующая жизнь нетленную;

Радуйся, идольского служения Избавление;

Радуйся, с Богом наше примирение;

Радуйся, Заступнице Усердная, избави нас от всякого зла и сотвори чудо спасения.

Кондак 4

В бурныя дни смут и нестроений, спасаше икона Твоя, Пресвятая Дево, всех притекающих к ней и обретаху вси от Тебе покров и заступление вопиюще благодарными сердцы: Аллилуиа, Аллилуиа, Слава Тебе Боже!

Икос 4

Слышаще и зряще чудеса, являемыя от иконы Твоея, Пресвятая Богородице, князие русстии храниша от рода в род святыню сию, молящеся пред нею умиленно:

Радуйся, Агнца и Пастыря Мати Нетленная;

Радуйся, Дево преблагословенная;

Радуйся, Матернюю любовь нам являющая;

Радуйся, ризою честною всех покрывающая;

Радуйся, благ вечных Надеждо верная;

Радуйся, Молитвеннице наша усердная;

Радуйся, Судии Всеправедного Умоление;

Радуйся, грехов всех наших Прощение;

Радуйся, Заступнице Усердная, избави нас от всякого зла и сотвори чудо спасения.

Кондак 5

Боготечне шествуя изо града во град Руси Червонныя икона Твоя Пресвятая Богородице, повсюду являше славу твою и Сына Твоего, Христа Бога нашего, вопиющим Ему людем: Аллилуиа, Аллилуиа, Слава Тебе Боже!

Икос 5

Видеша житилие града Белза грозное нападение агарян, изнесоша икону Твою чудотворную, Пресвятая Дево, на стогны града своего и молящеся с верою Ти о заступлении, Ты же ускорила еси тогда на помощь им, да зовут Ти:

Радуйся, милости Свои на нас изливающая;

Радуйся, Владыку Умилостивляющая;

Радуйся, иконою Твоею от бед Сохранение;

Радуйся, христиан православных Спасение;

Радуйся, злые дела Запинающая;

Радуйся, милосердие нам Являющая;

Радуйся, страны Российския Утешение;

Радуйся, Церкви Христовой священное Украшение;

Радуйся, Заступнице Усердная, избави нас от всякого зла и сотвори чудо спасения.

Кондак 6

Проповедаху всюду людие о дивнем заступлении Твоем, яко егда нечестивии татарове стрелою уязвиша на иконе изображение Пречистаго Лика Твоего, тогда внезапу тьма и помрачение найде нань и друг друга убиваху тыя, бежаще вспять, вернии же зряще чудо сие, пояху Господу хваление: Аллилуиа, Аллилуиа, Слава Тебе Боже!

Икос 6

Возсия благодать и мрак исчезе и возвысися род людей христианских, яко Ты, Богомати, укрепляеши веру православную, чудесьми и знаменьми от святыя иконы Твоея являемыми человецем, молящимся тако:

Радуйся, от нашествия иноплеменников предивно избавляющая;

Радуйся, от плена и поражения спасающая;

Радуйся, агарянскою стрелою пронзенная;

Радуйся, Мати и Дево Неизреченная;

Радуйся, молящимся токи чудес источающая;

Радуйся, печаль на радость прелагающая;

Радуйся, ключу Царствия Небеснаго;

Радуйся, Помощнице жития честнаго;

Радуйся, Заступнице Усердная, избави нас от всякого зла и сотвори чудо спасения.

Кондак 7

Хотяще оставити икону Свою во граде Ченстохове, соделала еси возок с иконою недвижимым, егда нецыя злочестивия тщахуся исхитити ю из града, христиане же обретше и образ Твой неукраденным, возопияше Богу: Аллилуиа, Аллилуиа, Слава Тебе Боже!

Икос 7

Новое чудо, на устрашение нечестивих явила еси тогда от образа Твоего Пречистая, поразивши слепотою и скорою смертию богохульников, иже икону Твою мечем уязвиша и на три части разсекоша, мы же икону сию чтуще вопием Ти:

Радуйся, Матерь Божия закланная;

Радуйся, от начала веков Предъизбранная;

Радуйся, Путеводительнице к Небу первейшая;

Радуйся, всех Ангельских Сил честнейшая;

Радуйся, милосердая всех Мати;

Радуйся, неисчерпаемый Сосуд благодати;

Радуйся, просящим помощь являющая;

Радуйся, доброе житие устрояющая;

Радуйся, Заступнице Усердная, избави нас от всякого зла и сотвори чудо спасения.

Кондак 8

Странно бысть войску свейскому видети, яко непобедимое доселе грозное воинство их побеждено бысть внезапу близ града Ченстохова, идеже чудотворная икона Богоматери стояше, пред нею же людие не преставаху пети: Аллилуиа, Аллилуиа, Слава Тебе Боже!

Икос 8

Всем молящимся и притекающим ко иконе Твоей Скорая Помощнице являешися, Пресвятая Дево, якоже древле, тако и ныне заступаеши и охраняеши почитающих Тя, приими и сия похвалы от нас:

Радуйся, Совета неизреченнаго Таиннице;

Радуйся, благодати Божией Сокровищнице;

Радуйся, иноплеменных ратей Одоление;

Радуйся, от убиения и разорения Спасение;

Радуйся, горняго и дольняго мира Всецарице;

Радуйся, всяческих благ подательнице;

Радуйся, от врагов и бед избавление;

Радуйся, непрестанное человек удивление;

Радуйся, Заступнице Усердная, избави нас от всякого зла и сотвори чудо спасения.

Кондак 9

Всякий пол и возраст возвеселися зряще, егда царь русский Петр молебное пение пояше перед иконою Богоматери, памятующе, яко образ сей бысть некогда достояние царское и князей русских, восхваляше пред ними Господа и Матерь Его песнию: Аллилуиа, Аллилуиа, Слава Тебе Боже!

Икос 9

Весь мир христианский покрывавши омофором милости Своея, на помощь скоро к нам притекаеши, купно со угодники Божии и святителем Николаем за нас перед Богом ходатайствуеши, вонми и ныне гласу молений наших перед образом Твоим:

Радуйся, светом истины нас Озаряющая;

Радуйся, руце Твои за ны моляшася Простирающая;

Радуйся, Бога и человека Соединившая;

Радуйся, смертное естество безсмертием Просветившая;

Радуйся, верных душ Услаждение;

Радуйся, душепагубных дел Удаление;

Радуйся, благочестивых христиан Окормительнице;

Радуйся, смиренномудрых благая Вседержительнице;

Радуйся, Заступнице Усердная, избави нас от всякого зла и сотвори чудо спасения.

Кондак 10

Спасти хотя род человечь, Богомати, от тьмы неверия и заблуждения, яви миру свет веры Православныя и токмо воинству русскому подаде одолети крепость, идеже икона Ея чудотворная стояше, пред нею же воспеша благодарственно: Аллилуиа, Аллилуиа, Слава Тебе Боже!

Икос 10

Стена нератуема и ограждение твердое, Ты еси верным людем русским почитающим Тя, о Божия Мати, яко во мнозех списках со иконы Ченстоховския являвши благоволение Свое, просимое подаеши и гнев Божий отвращавши от поющих Ти:

Радуйся, Державу Российскую Устрояющая;

Радуйся, под нозе Царя Православного вся Покаряющая;

Радуйся, Обличающая учения душевредныя;

Радуйся, Призревающая на молитвы смиренныя;

Радуйся, в печалех и бедах Утешение;

Радуйся, от нечаянные смерти Спасение;

Радуйся, Дарующая Победы верным;

Радуйся, Венчающая венцем нетленным;

Радуйся, Заступнице Усердная, избави нас от всякого зла и сотвори чудо спасения.

Кондак 11

Пение воспеваем и хвалу приносим Ти, о Пресвятая Дево, молимся пред иконою Твоею, на ней же зрим язвы, руками нечестивых человек нанесенныя, от наших же прегрешений незаживляемыя, к Богу взываем, имуще Тя о нас Ходатаицу: Аллилуиа, Аллилуиа, Слава Тебе Боже!

Икос 11

Светоявленная икона Твоя сияет чудесы, даже и доднесь, являя нам милость Твою, яко многажды тщахуся людие сокрыти вапы различными уязвление Пречистаго Лика Твоего, на сей иконе живописанного, но всуе трудишася изографы, яко паки проступаху язвы, ихже мы грехми нашими и беззаконьми наносим Ти, но отпусти нам вся, Дево, и помилуй зовущия:

Радуйся, крепкое Веры Забрало;

Радуйся, чудес Христовых Начало;

Радуйся, Врат Райских Отверзение;

Радуйся, тайны Божией всесильное Проявление;

Радуйся, приятное молитвы Кадило;

Радуйся, носящего вся Носило;

Радуйся, людскими грехми Истерзанная;

Радуйся, в любви Божией Утвержденная;

Радуйся, Заступнице Усердная, избави нас от всякого зла и сотвори чудо спасения.

Кондак 12

Благодатию покрый нас, о Пресвятая Дево, исходящею от дивныя иконы Твоея, предстательством Твоим спаси и помилуй страну Русскую, в ней же во дни древния чудесы многими просияла еси и яви нам, молящимся пред образом Твоим, чудо спасения, поющим Сыну Твоему и Богу: Аллилуиа, Аллилуиа, Слава Тебе Боже!

Икос 12

Поюще пение похвальное усты недостойными, уповаем на милость Божию и Твое, о Богомати, заступление и ходатайство за нас, грешных, пред Господем, яко да дарует державе русстей на супостаты одоление, от иноплеменных поган свобождение, царя православного во охранение и к Царствию Небесному путевождение, и выну буди с нами, зовущим Ти:

Радуйся, огнем Божественным Всепросвещающая;

Радуйся, мрак греха Отгоняющая;

Радуйся, жестокости наших сердец Умягчение;

Радуйся, заблудших на путь спасения Возвращение;

Радуйся, Стено Нерушимая;

Радуйся, Победо Непобедимая;

Радуйся, Небеси и земли Украшение;

Радуйся, Надеждо нашего Воскресения;

Радуйся, Заступнице Усердная, избави нас от всякого зла и сотвори чудо спасения.

Кондак 13

О, Всепетая Мати, рождшая всех святых святейшее Слово, призри ныне на Царство Твое земное и умоли Господа Вседержителя, да не внидет в суд с нами, но да подаст нам грехов оставление, от ига бесовскаго свобождение и Святой Руси Воскресение, вопиющим Богу верою: Аллилуиа, Аллилуиа, Слава Тебе Боже!

(Сей кондак читается трижды, затем икос 1 и кондак 1).

Икос 1

Ангельский собор на Небеси немолчно воспевает Тя, Владычице, и мы земнороднии, притекающе ко иконе Твоей чудотворней, святым Лукою писанной, вопием Ти сице:

Радуйся, Мати Света Невечерняго;

Радуйся, Духа Святага Обитель Священная;

Радуйся, светлое благодати Познание;

Радуйся, Ангельских Сил Ликование;

Радуйся, Купино неопально горящая;

Радуйся, Господа Сил вечно Зрящая;

Радуйся, Неувядаемый Цвете нетления;

Радуйся, Образе Христова Воскресения;

Радуйся, Заступнице Усердная, избави нас от всякого зла и сотвори чудо спасения.

Кондак 1

Взбранной Воеводе, Спасительнице земли Русския, похвальное приносим пение. Ты же, Мати царя Небесного от всякия избави напасти страну нашу и от всех скорбей и бед свободи зовущих: Радуйся, Заступнице Усердная, избави нас от всякого зла и сотвори чудо спасения.

Молитва Пресвятой Богородице перед Ея иконой,
именуемой «Ченстоховская»

О Всемилостивая Госпоже, Царице Богородице, от всех родов избранная и всеми роды небесными и земными ублажаемая! Воззри милостивно на предстоящия пред святою иконою Твоею люди сия, усердно молящиеся Тебе и сотвори предстательством Твоим и заступлением у Сына Твоего и Бога нашего, да никтоже отыдет от места сего упования своего тощ и посрамлен в надежде своей; но да приимет кийждо от Тебе вся по благому изволению сердца своего, по нужди и потребе своей, во спасение души и во здравие телу. Наипаче же осени и огради покровом Твоим, Милосердая Мати, Благочестивейшего грядущаго Государя Императора нашего и весь царствующий дом его; отжени от Него молитвами Твоими всякаго врага и супостата, утверди житие его в мире и тишине, да и мы вси тихое и безмолвное житие поживем во всяком благе, благочестии и чистоте; удержави царство Его во еже быти ему Царству Христову; управи пути и советы Его, да возсияет во днех Его правда и множество мира, да возрадуется сердце его и сущих в державе Его, яко сердце отца о чадех своих веселящегося; на сопротивныя же и лукавнующия в сердцах своих поели пред лицеем Его трепет, да поне страхом вразумятся и престанут от лукавств своих и противлении, творяще волю Его, яко пред Богом, от души и совести благия. Моли, Милосердая Владычице, пренебеснаго Бога, да присно церковь свою святую соблюдет, вышним своим благословением архиереев наших православных укрепит, миром оградит и святей своей церкви целых, здравых, честных, долгодействующих и право правящих слово своея истины дарует, от всех же видимых и невидимых врагов со всеми православными Христианы милостивно избавит и во Православии и твердей вере до конца веков непоступно и неизменно сохранит.

Призирай благосердием, Всепетая, и призрением; милостиваго Твоего заступления на все царство наше Всероссийское, царствующия грады наша, град сей и святой храм сей, - и излей на ня богатыя Твоя милости, Ты бо еси всесильная Помощница и Заступница всех нас. Приклонися к молитвам и всех раб Твоих, притекающих зде ко святей иконе Твоей сей, услыши воздыхания и гласы, ими же раби Твои молятся во святем храме сем. Аще же и иноверный, и иноплеменник, идя и проходя зде, помолится, услыши, чадолюбивая Госпоже, и сего человеколюбие и милостивно соделаи, яже к помощи ему и ко спасению. Ожесточенныя же и разсеянныя сердцы своими во странах наших на путь истины настави. Отпадшия от благочестивой веры обрати и паки сопричти святей Твоей Православней кафолической церкви. В семействах людей всех и во братии нашей мир огради и соблюди, в юных братство и смиренномудрие утверди, старость поддержи, отрочество настави, мужество умудри, сирыя и вдовицы заступи, утесненныя и в скорбех сущия утеши и охрани, младенцы воспитай, болящия уврачуй, плененныя свободи, ограждая ны выну от всякаго зла благостию Твоею и утеши милостивным Твоим посещением и всех благодеющих нам. Даруй же, Благая, земли плодоносие, воздуху благорастворение и вся, яже на пользу нашу, дары благовременныя и благопотребныя, всемощным своим предстательством пред Всесвятою Живоначальною Троицею, купно со святыми избранными угодниками Ея Кириллом и Мефодием.

Прежде отшедшия отцы и матери, братия и сестры наша, и вся от лет древних припадавшия ко святей иконе Твоей сей упокой в селениих святых, в месте светле, в месте злачне, в месте покойне, идеже несть печаль и воздыхание. Егда же приспеет и наше от жития сего отшествие и к вечной жизни преселение, предстани нам, Преблагословенная Дево, и даруй христианскую кончину живота нашего безболезненну, непостыдну, мирну и Святых Тайн причастну, да и в будущем веце сподобимся вси, купно со всеми святыми, безконечныя блаженныя жизни во царствии возлюбленнаго Сына Твоего, Господа и Бога нашего Исуса Христа, Емуже подобает слава, честь и держава, со Безначальным Его Отцем и Пресвятым и Благим и Животворящим Его Духом, ныне и присно и во веки веком. Аминь.

Молитва другая

О, Всемилостивая Царица Небесная, Всепречистая Госпоже Дево БогородицеВладычице, доколе забудеши нас и не избавиши нас в час скорби нашея, доколевознесется враг наш на нас. Силою и властию Твоею сокруши его, возвеличим Тя, Благодатную, и прославим, яко Непобедимую Победу Всесильную. Ты бо еси Госпоже, слава Небесных и Упование земных, не престай молитеся о нас, недостойных рабех Твоих, славящих тя и почитающих, и поклоняющихся пречистому образу Твоему, надежду имущих невозвратну и веру несумненну к Тебе, Приснодеве Преславной и Пренепорочной, ныне и присно и во веки веком. Аминь